5 лістапада ў Веткаўскім музеі (у Ветцы) адбудзецца адкрыццё выставы карцін Генадзя Тарскіх «Вытокі натхнення».
Генадзь Тарскіх - мастак самадзейны. Але яго маляўнічыя краявіды, спалучаючы ў сабе раелізм і лірычныя ноткі, так натхняюць і зачароўваюць!
З ранняга ўзросту Генадзь Сямёнавіч звязвае сваё жыццё з рачным флотам, што фармуе яго любоў да прыроды. А яго шлях у мастацтве пачаўся ў сталым узросце, калі ён стаў вывучаць імпрэсіянізм пад уплывам вядомых майстроў.
Запрашаем на адкрыццё! Каб разам атрымаць асалоду ад прыгажосці пейзажаў, якія сталі "сіняй ніткай" у жыцці мастака.
Калі: 05.11 (серада) у 16:00.
Дзе: г. Ветка, Красная плошча, 13 (адміністратыўны будынак музея)
Уваход вольны!
